Innskráning í Karellen
news

Deildarstjóri óskast

15. 01. 2021

Heilsuleikskólinn Álfasteinn í Hörgársveit óskar eftir að ráða deildarstjóra í 100% starf frá 12. mars nk.

Leikskólinn er verðandi 3ja deilda skóli. Ungbarnadeild fyrir 1-2 ára börn og tvær deildir fyrir 3 til 6 ára börn.

Einkunnarorð skólans eru “Með sól í hjarta” og er mikil áhersla lögð á gleði og vellíðan barna, næringu, hreyfingu og listsköpun í leik. Einnig er unnið með jákvæðan aga og grænfánaverkefni Landverndar.

Starfssvið: Starfar samkvæmt lögum og reglugerð um leikskóla, öðrum lögum er við eiga, aðalnámskrá leikskóla og stefnu viðkomandi sveitarfélags.

Helstu verkefni og ábyrgð:

  • Vinnur að og ber ábyrgð á uppeldi og menntun leikskólabarna samkvæmt starfslýsingu deildarstjóra
  • Ber ábyrgð á stjórnun, skipulagningu, framkvæmd og mati starfsins á deildinni
  • Annast daglega verkstjórn á deildinni og ber ábyrgð á miðlun upplýsinga
  • Ber ábyrgð á að unnið sé eftir skólanámskrá og að öll börn fái kennslu og umönnun við hæfi
  • Ber ábyrgð á allri foreldrasamvinnu
  • Önnur verkefni skv. starfslýsingu deildarstjóra í leikskóla

Menntunar- og hæfniskröfur:

  • Leyfisbréf sem kennari
  • Reynsla af starfi deildarstjóra í leikskóla er æskileg
  • Reynsla af vinnu í leikskóla er æskileg
  • Góð samskiptahæfni
  • Áhugi á að vinna með börnum
  • Frumkvæði í starfi og faglegur metnaður
  • Sjálfstæð og skipulögð vinnubrögð
  • Góð íslensku og tölvukunnátta

Leitað er eftir fólki sem hefur gleði og ánægju af að starfa með börnum. Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Nánari upplýsingar um áherslur í starfi leikskólans má sjá á heimasíðu skólans: alfasteinnhorgarsveit.is og á heimasíðu Hörgársveitar: horgarsveit.is

Laun eru samkvæmt kjarasamningi Félags leikskólakennara.

Umsóknarfrestur er til og með 1. febrúar nk. og skal umsóknum skilað, ásamt ferilskrá á alfasteinn@horgarsveit.is Upplýsingar gefa Hugrún Hermannsd. skólastjóri eða Sigríður Þorsteinsd. aðstoðarskólastjóri í síma 460-1760, netfang alfasteinn@horgarsveit.is