Heilsuleikskólinn Álfasteinn í Hörgársveit er staðsettur rétt norðan við sveitarfélagamörk Hörgársveitar og Akureyrar. Hann stendur ofan við þjóðveginn, umlukinn trjágróðri og sveitasælu. Nafn leikskólans er dregið af bóndabænum Dvergasteini sem er norðan við Álfastein og stóra steininum á leikskólalóðinni sem kom upp úr grunninum þegar leikskólinn var byggður.

Leikskólinn er einsetinn, opinn frá 7:45 til 16:15. Þegar hann tók til starfa 30. júlí árið 1995 var hann 114 fm. með rými fyrir 16 börn. Þann 9. júní 2007 var 160 fm. viðbygging við leikskólann vígð og þann 9. ágúst 2019 var vígsla enn á ný á viðbyggingu sem er 109 fm. Í dag er hann því 383 fm. með rými fyrir 44 börn.

Einkunnarorð Heilsuleikskólans Álfasteins eru ,,Með sól í hjarta.”


Eyðublöð:

Umsókn um leikskóladvöl á Álfasteini

Umsókn um breytingu á dvöl á Álfasteini

Uppsagnareyðublað